Бүгін аудан активінде Сырым ауданының әкімі Төлеген Төреғалиев кадр өзгерістерге байланысты жаңадан тағайындалған басшыларды таныстырды. Аудан әкімінің 2017 жылғы 24 қазандағы №209 өкімімен Сырым ауданы әкімінің орынбасары болып Ахметов Ерболат Әжмұханбетұлы тағайындалды. 

Ерболат Әжмұханбетұлы 1966 жылы 1 желтоқсанда Орал облысы Қазталов ауданы Қазталов ауылында дүниеге келген. Еңбек жолын 1991 жылы Қазталов ауданы Әжібай қой совхозында аға мал дәрігері болып бастаған.

1999-2000 жылдары Қазталов ауданы «Жаңа тұрмыс» өндірістік кооперативі төрағасының орынбасары,

2000-2003 жылдары Қазталов ауданының Мирон ауылдық округінің әкімі,

2003-2005 жылдары ҚР АШМ Қазталов аудандық аумақтық басқармасының мал дәрігерлік инспекторы,

2005-2006 жылдары «Батыс Зооветснаб Сервис» ЖШС мал дәрігері,

2006-2007 жылдары «Ақжайық энергосауда» ЖШС абоненттік бөлімшенің шебері,

2007-2008 жылдары «Батыс Қазақстан электр желілерін таратушы компаниясы» АҚ электр энергияны қадағалау және есебін жүргізу департаментінің шебері, шеберлік бөлімшенің бастығы,

2008-2010 жылдары Орал қаласындағы «ГНРМАШ» ЖШС директорының орынбасары,

2010-2015 жылдары Батыс Қазақстан облысының ауылшаруашылығы басқармасының ветеринария бөлімінің жетекші маманы, бас маманы,

2015 жылдың ақпан-қыркүйек айларында Батыс Қазақстан облысының ветеринария басқармасының тамақ қауіпсіздігі бөлімінің бас маманы, бөлім басшысы,

2015 жылдың қыркүйек айынан бері Батыс Қазақстан облысының ветеринария басқармасы басшысының орынбасары болып жасаған. 

2017 жылдың 24 қазанынан бастап Сырым ауданы әкімінің орынбасары.