Жаңалықтар

Бүгін Сырым ауданында дала кемеңгері Сырым Датұлының 275 жылдығына арналған "Ел бастаған көсем, сөз бастаған шешен" тақырыбындағы кітап көрмесі салтанатты түрде ашылды. Ашылу шарасында аудан әкімі Абат Шыныбеков қатысты.

Бүгін Сырым ауданының әкімі Абат Шыныбеков аудандық қоғамдық кеңестің отырысында жасаған жұмысының қорытынды есебін берді. Аудан әкімінің есебінде Сырым ауданының 2016 жылдағы әлеуметтік – экономикалық дамуы жайлы айтылды. Есептің толық мәтіні аудандық газеттің ертеңгі санында жарияланады.

Бүгін Сырым ауданының активінде Сырым аудандық сотының жаңа судьясы таныстырылды. Бұл лауазымға ҚР Президентінің жарлығымен Ниязов Таймас Кеңесұлы тағайындалды.Актив жиынына қатысқан Батыс Қазақстан облыстық алқа соты төрағасының міндетін уақытша атқарушы Ниязбек Ділдәбеков жаңа судьяның тәжірибелілігін атап өтті.

9 қаңтар күні Сарой ауылында ЖББ Абай орта мектеп-балабақша кешені және «Қайсар» спорт клубының ұйымдастыруымен дене шынықтыру пәні мұғалімі Утешов Азамат Нағымұлының 50 жас мерей тойына арналған шағын футболдан аудандық турнир өтті.

Ауданымызда 2016 жылдың екінші жартыжылдығынан бастап «Өрлеу» мемлекеттік жоба жүзеге асуда.«Өрлеу» жобасының мақсаты- тұрмыстық деңгейді көтеру. Ал ең кереметі- отбасы мүшелерінің ақылы қызметке орналасуы, немесе жеке кәсіпкерлікке мүмкіндік алу, немесе шаруа қожалығын әлдеқайда тиімдірек ұымдастыру арқылы өзін-өзі қамтамасыз етуі.