Жаңалықтар

ҚР Мәдениет және спорт министрлігінің Спорт және дене шынықтыру істері комитеті, ҚР Спорттық бағдарлау федерациясы, Ақмола облысының дене шынықтыру және спорт басқармасының ұйымдастыруымен 2019 жылдың 1-5 мамыр күндері аралығында Ақмола облысы Щучинск қаласында спорттық бағдарлаудан кросс, велокросс бойынша халықаралық “Бурабай -2019” жарысы оздырылды.

Бүгін аудандық мәдениет үйінде Халықаралық отбасы күніне орай «Мерейлі отбасы» байқауының аудандық кезеңі өтті. Ұлттық байқауға қатысушы әулеттер саны жылдан-артып келеді. Алдымен ауылдардан қатысқан отбасылар әулеттің тарихынан сыр шертетін бұйымдарынан, жетістіктерінен құралған көрмелерін таныстырды.

Асылында Қаратөбенің қастерлі топырағында осал адам тумайды. Киелі топырақ өзінде өсіп-өніп, өрген перзенттеріне небір жақсы қасиеттерді сіңдіріп барып, ұясынан ұшырады-ау. Күні кеше ғана Қазақстан Республикасының Президенті Қасым-Жомарт Тоқаевтың қолынан сырымдық ұстаз Гүлдана Нұғманова алғыс хат пен ҚР Президентінің омырау белгісін алғанын естігенде осы ой тағы да санада жаңғырды. 

Биылғы жылды тұңғыш Елбасы жастар жылы деп жариялап, басымдықты жастарға бергендігі бәрімізге мәлім. Өз сөзінде тұңғыш Елбасы шағын және орта кәсіпкерлікті жастар арасында дамытуға тапсырма берген болатын.

Бүгін Сырым ауданында Ұлы Жеңіс күніне орай салтанатты шара оздырылды.Жымпитыдағы Ұлы Отан соғысында қаза тапқан жерлес жауынгерлердің құрметіне қойылған ескерткіштің басында болған салтанатты жиында аудан басшысы Төлеген Төреғалиев аудан тұрғындарын атаулы мерекемен құттықтап, елдің тыныштығы үшін жанын пида еткен жауынгерлердің ұмытылмай, ерліктері ұрпаққа үлгі екендігін тілге тиек етті. Ұлы Отан соғысының ардагері, жерлесіміз Абдолла Жұмағалиевтің інісі Жұмағалиев Шайдолла ақжарма тілегін жолдады.