Жаңалықтар

Бүгін Сырым ауданында Ұлы Жеңіс күніне орай салтанатты шара оздырылды.Жымпитыдағы Ұлы Отан соғысында қаза тапқан жерлес жауынгерлердің құрметіне қойылған ескерткіштің басында болған салтанатты жиында аудан басшысы Төлеген Төреғалиев аудан тұрғындарын атаулы мерекемен құттықтап, елдің тыныштығы үшін жанын пида еткен жауынгерлердің ұмытылмай, ерліктері ұрпаққа үлгі екендігін тілге тиек етті. Ұлы Отан соғысының ардагері, жерлесіміз Абдолла Жұмағалиевтің інісі Жұмағалиев Шайдолла ақжарма тілегін жолдады. 

Сұрапыл соғыс жылдары тылда қызмет еткен еңбеккерлердің еңбегі мен жеңісті жақындатуға қосқан үлестері аз емес.

Сырым ауданының әкімі Төлеген Төреғалиев 9 мамыр – Жеңіс күні мерекесі қарсаңында Ұлы Отан соғысының ардагерлерінің жесірлері Бұлдырты ауылынан Сақыш Нұрғалиева, Қособа ауылынан Бағила Темірғалиева, Бұлан ауылынан Гүлбар Ушанованы, тыл еңбеккерлерін қабылдады.

Бүгін 7 мамыр Отан қорғаушылар және 9 мамыр Ұлы Жеңістің 74 жылдығына орай "Айбын"әскери -патриоттық сайысы оздырылған болатын. Әскери - патриоттық жарыстың салтанатты ашылу рәсімінде аудан басшысы Төлеген Төреғалиев мерекемен құттықтап,қатысушыларға сәттілік тіледі. 

Сырым ауданының тұрғындары бүгін Отан қорғаушылар және Ұлы Жеңіс күні мерекелеріне орай Жымпитыда өткен көпшілік велошеруге қатысты.