Жаңалықтар

Бүгін ерте тұрып, Жымпитының сенбілік жәрмеңкесіне барып қайттық. Әдеттегідей, таңғы сағат сегіз болмай сауда қызып жатты.

Қазталов ауданында белгілі ақын, журналист, Қазақстан Журналистер одағының мүшесі Темірғали Жазбаевты еске алуға арналған "Жазбаев жанры" атты облыстық ақындар мүшәйрасы биыл екінші рет ұйымдастырылды. Мүшәйраға қатысқан "Сырым елі" қоғамдық-саяси газетінің редакторы Бауыржан Ширмединұлы жүлделі ІІ орынға ие болды.

Кеше Сырым ауданында ақын, Қазақстанның Халық жазушысы Қадыр Мырза Әлидің туған ауылы Жымпитыда ІІ республикалық Қадыр оқулары аяқталды. Ауданға Қазақстанның қиыр-қиырынан келген қонақтар Сырым шыққан төбедегі кесенеден қарсы алынды. Аудан әкімі Төлеген Төреғалиев қонақтарға қош келдіңіздер айтып, Қадырдың бір ауызбен өлеңімен жылы лебізін жеткізді. В.И.Шубин атындағы орта мектептің тарих пәнінің мұғалімі Ғарифолла Ғабдолов ауданның тарихы жайлы толғанып, аудандық балалар саз мектебінің мұғалімі Дархан Қажығалиев ауылдың алты ауызына салды. 

Ауданға еліміздің түкпір-түкпірінен келген қонақтар, байқау қатысушылары Сырым шыққан төбедегі кесенеден қарсы алынды. Аудан әкімі Төлеген Төреғалиев Қадырдың өлеңімен жылы лебізін білдірсе, В. И. Шубин атындағы орта мектептің тарих пәнінің мұғалімі Ғарифолла Ғабдолов ауданның тарих сырын бүгіп жатқан қасиетті топырақта орналасқанын айтты.

Сырым ауданына 3 мамыр күні "Astana Musical" мемлекеттік театры гастрольдік сапармен келмек. Театр сырымдықтарға "Қыз Жібек" этно-фольклорлық мюзиклін сахналап ұсынатын болады. Көркемдік жетекшісі – жерлесіміз Асхат Маемиров.