Бизнес және үкіметтік емес ұйым секторлары өкілдері білім гранттарын бөлуге байқаушы ретінде қатыса алады

Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл Агенттігі Білім және ғылым министрлігімен бірлесіп, «Қоғамдық бақылау картасы» жобасы аясында еліміздің жоғары және арнаулы оқу орындарына арналған білім гранттарын бөлудегі комиссия отырыстарына азаматтардың бақылаушы ретінде тікелей қатысуына мүмкіндік беруде.

Жыл сайынғы білім саласына бөлінетін қаражат көлемінің өсуі, қаражаттың дұрыс жұмсалуының ашықтығы мен объективтілігін талап етеді.
Агенттікте қоғамдық бақылаудың артуы бұл салада сыбайлас жемқорлық көріністерін алдын-алудағы басты механизмдердің бірі болатынына сенімді. 

Биылғы жылы еліміздің әр облысы мен ауданында құрылған Агенттіктің арнайы мониторингтік топ мүшелері конкурстық байқауға байқаушы ретінде қатыса алады. Оған әр облыстардың сарапшылары кіреді: азаматтық қоғам, кәсіпкерлер, ғылым және академиялық қоғамдастық, БАҚ өкілдері және блогерлер.
Азаматтарға тәуелсіз сарапшы ретінде конкурстық комиисияларға қатысу үшін әлеуметтік желілер мен мессенджерлер арқылы Агенттіктің аумақтық департаментіне хабарласуы қажет. (WhatsApp 87753000214,
anticorruptionzko@mail.ru).

Осы орайда, конкурстық комиисияларға абитуриенттерге жұмыс беруші ретінде бизнес өкілдерінің қатысуы өте маңызды болып табылады. 
Осы мақсатта Агенттік кәсіпкерлер және үкіметтік емес ұйым секторлары өкілдерін шақырады:

Кәсіпкерлер үшін: егер де Сіз болашақта жоғары кәсіби және құзіретті мамандарға қызығушылығыңыз болса, онда Сізді оқу орындарында білім гранттарын бөлу комиссяларына қатысуға шақырамыз.

Үкіметтік емес ұйымдар секторы үшін: егер де Сіз ашықтық пен транспаренттілікке және білім саласына бөлінетін мемлекет қаражатының үнемделуіне қызығушылығыңыз болса, онда Сізді оқу орындарында білім гранттарын бөлу комиссяларына қатысуға шақырамыз.