Бүгін Сырым ауданынан 94 мектеп оқушысы «ЕХРО – 2017» халықаралық көрмесін тамашалау үшін Астана қаласына аттанды. Оқушыларды салтанатты шығарып салу шарасы Жымпитының орталық алаңында өтті. Сырым аудандық білім беру бөлімінің басшысы Зәмзәгүл Ерғазиеваның айтуынша, біздің ауданымыздан тек осы маусым айының өзінде 3 кезеңмен 188 оқушы халықаралық көрмені тамашалауға барады деп жоспарлануда. Әр кезең үшін арнайы жетекшілер мен жауапты медицина мамандары бекітілген. Осы сияқты бүгін аудандық ардагерлер кеңесінің 16 мүшесі Астана қаласына жол тартты.